《 Prison Break 》第五季开拍! 靓仔男角Mil

  2020-06-10  阅读 178 views 次 点赞数447
千呼万唤始出来!传咗好耐嘅《 Prison Break 》第五季终于落实开拍!据闻係因为製作人见到网上仍有好多人追紧呢套剧,所以就食住条水开拍新一季!咁又难怪嘅,一套2005年推出嘅美剧,到了2016年都有好多支持者,神剧呢个名真係实至名归!

 

《 Prison Break 》第五季预计明年开播!翻煲头四季止瘾!

第五季落实开拍,预计明年播放,相信听到呢个消息嘅Fans们,脑海中一定浮现好多回忆出来。对于某啲人来说,《Prison Break》某程度上係打开佢哋美剧之门嘅神剧!唔知大家仲记唔记得第一次睇到Michael身上面纹身嘅震撼、第二季接二连三死亡嘅角色、第三季编剧罢 工潮期间嘅焦虑,同埋第四季令人伤心嘅结局?如果记忆好模糊嘅话,快啲翻煲一至四季,为第五季播出前止住瘾先!

Prison Break Season 5 Trailer

睇完Trailer之后,大家係咪睇到O哂嘴呢?你哋无眼花啊,编剧话之前Michael嘅死只係假死,喺嚟紧新一季,男主角两兄弟将会重聚!虽然假死呢个理由唔係好够说服力,但作为Fans边会理得咁多啊?见到靓仔男主角强势回归,乜都够哂啦!

《 Prison Break 》第五季开拍! 靓仔男角Mil

而根据早前官方放出嚟嘅剧照,除咗男主角两兄弟同Sara之外,其他主要剧组成员Robert Knepper、Rockmond Dunbar 同Amaury Nolasco 都好有机会再次参与Prison Break嘅製作,保留原汁原味!

《 Prison Break 》第五季开拍! 靓仔男角Mil

《 Prison Break 》第五季开拍! 靓仔男角Mil

到底Season5会有啲咩新嘅剧情?呢方面嘅资料真係少之有少,不过製作公司Fox前排就透露咗一句说话,内容大概就係讲,当有线索显示Michael重有机会在生,Lincoln同Sara就夹埋一齐进行Prison Break史上最大型嘅逃亡!

同场加映:男主角Miller暴肥之谜

当Prison Break第四季完咗之后,饰演男主角Michael Scofield嘅靓仔演员-Wentworth Miller,就被网民发现佢越来越肥,剧中Fit到漏嘅身材变咗一团肉,食开花生嘅网民就不停恶搞啲图片嚟耻笑佢。

而有一日Miller见到呢张图片,终于都忍唔住回应…

《 Prison Break 》第五季开拍! 靓仔男角Mil

Miller转载「The LAD Bible」肥瘦比较嘅恶搞相,向网民尽诉心中情。佢话自己于2010年就开始过半退休生活,最主要係因为自己有自杀倾向,而呢个话题已经公开讨论过。

《 Prison Break 》第五季开拍! 靓仔男角Mil
佢重话自己自细就受到抑郁症困扰。

2010年係佢嘅人生最低潮,佢不断寻找可以令到佢分心、安慰,纾缓嘅事物。而最后佢选择了食物,而呢个就係佢暴肥嘅原因。佢仲话,其实可以选择药物、酒精、性爱,但食嘢係佢最期待嘅事,每个星期最开心嘅时候就係享受自己最锺意嘅食物同埋新一集《Top CHEF》。

真係唔讲唔知Miller戏里戏外都承受住命运嘅煎熬,每个演员嘅背后都有一段辛酸嘅事。不过就如大家喺Trailer睇到嘅一样,Miller而家嘅身形已经回复返当年嘅水準!虽然唔知佢好返未,但作为Fans,唯一可以做嘅就係再次奉上几个通顶嘅夜晚去追剧以表支持!

上一篇: 下一篇:
相关文章